لا داعي !!

لو أن الأمر كما ذكر اللواء مختار الملا  في تصريحاته المثيرة للجدل والاشمئزاز والتي جاءت في غير وقتها سواء بقصد أو بغير، فإنها لا تخرج عن أمرين. أولهما:- أن المجلس العسكري يريد البقاء في الحكم واستغلال النفوذ حتى ولو تسلم الحكم رئيس ومجلس شعب منتخببين... الثاني:-  وهو أن تكون تصريحاتة مجرد طمأنة للغرب وللقوى الليبرالية بعد أن أظهرت نتائج المرحلة الأولي فوز الإسلاميين بنصيب الأسد...


وأرى أيضا أن تصريحة بأن مجلس الشعب لا يمثل كل الأطياف ولن يكون له أي تأثير في الحياة السياسية  تصريحا يحتمل أمران. الأول  أن يكون لإحباط الناخبين وتثبيطهم في الجولة الثانية والثالثة. والثاني أن يكون لتهدئة المنهزمين في الجولة الأولى...


وإن كان الأمر كذلك فلا داعي إذا لصوتي ولا لتصويتي!! 
ولتلطيف جو الكآبة هذا، أدعوك عزيزي القارئ لقراءة هذة القصة القصيرة، واضحك فشر البلية ما يضحك، واختار أنت الطريق!!!

مرة واحد كان معاه ربع جنيه..
ففكر يعمل بيه إيه..
يشرب عصير قصب و لا يركب الأتوبيس فقال :
أنا لو ركبت الأتوبيس هيبقي في حل من إثنين:
يإما هقف أو هقعد
لو وقفت مش هيبقي في أي مشكلة
لكن لو قعدت هيبقي في حل من إثنين:
يإما هيقعد جنبي راجل أو تقعد جمبي ست
أنا لوقعدت بجانب راجل مفيش مشكلة
لكن لو قعدت بجانب ست هيبقي في حل من إثنين:

يإما هنعجب ببعض يإما مش هنعجب ببعض
لو مأعجبناش ببعض مفيش مشكلة
لكن لو أعجبنا ببعض هيبقي في حل من إثنين:
يإما هنتجوز يأما مش هنتجوز
لو مإتجوزناش مفيش مشكلة
لكن لو إتجوزنا هيبقي في حل من إثنين:
يإما هنخلف يأما مش هنخلف
لو مخلفناش مفيش مشكلة
لكن لو خلفنا هيبقي في حل من إثنين :
يإما هنخلف ولد أو بنت
لو خلفنا بنت مفيش مشكلة
لكن لو خلفنا ولد هيبقي في حل من إثنين:
يإما هيستقيم أو هينحرف
لو إستقام مفيش مشكلة
لكن لو إنحرف هيبقي في حل من إثنين:
يإما يدمن أو مش هيدمن
لو مأدمنش مفيش مشكلة
لكن لو أدمن هيبقي في حل من إثنين:
يإما هيبقي معاه فلوس أو معهوش
لو كان معاه فلوس مفيش مشكلة
لكن لو كان عايز فلوس هيبقي في حل من إثنين:
يإما هيسرقني أو هيقتلني
لو سرقني مفيش مشكلة لكن لو قتلني ..
.. يقتلني ؟؟!!!!!!!!!
لا ياعم أنا أشرب عصير قصب أحسن

والله المستعان

محمد شحاتة