النهاردة زي ما احنا
عارفين هو آخر يوم في حكم مرسى والإخوان، وبكره ان شاء الله ها يجيلنا رئيس جديد،
أنا بس حابب أقولكم حاجة بالمناسبة دي: ياريت كلنا نصبر شوية على الرئيس الجديد،
ونديله فرصة يومين أو تلاته يفرح بالمنصب، مش عاوزين نقفله بسرعة من الرئاسة، إحنا
عندنا وقت - شهر كامل- علشان نشيله فيه، فياريت ما نستعجلش.
والنهاردة آخر يوم
لمرسى في القصر وأحب أقوله: إن دخول الحمام مش زي خروجه، ولازم تاخد معاك التلاته
مليون إخواني اللي انت عينتهم في القصر، وياريت تعمل تشيك أوت على الساعة 12
الضهر، علشان الرئيس الجديد ها نعمله تشيك إن الساعة اتنين، وما تنساش متعلقاتك
الشخصية اللي في الحمام، وإلا هنرميهملك في الزبالة!
أما بالنسبة للإخوان
اللي في المحافظات البعيدة والمتطرفة؛ فأنا عارف إنه من الصعب عليهم وعلينا إنهم يسافروا، كلهم مرة واحدة، وفـ يوم واحد، للصومال ، فياريت يا
جماعة نديهم فرصة، وخصوصا زي ما انتم عارفين إن عندنا أزمة في البنزين والسولار.
مش مشكلة لما نستحملهم أسبوع كمان، وأهو كله بثوابه!
وياريت يا جماعة ننسى كلمة فلول وكلمة ثوار، علشان دا بيقسم
البلد، الفلول والثوار إيد واحدة، وكلنا مصريين، واللي مات مات، واللي اتسرق
اتسرق، ويا باخت من بات مظلوم!
وفيه حاجة كمان عاوز أفكركم بيها، قناة مصر25
لازم اسمها يتغير، ونخليه قناة 30 يونية، ومقرات الاخوان نستولى عليها وخصوصا مقر
المقطم، إحنا ممكن نأجره بالساعة!
ليست هناك تعليقات:
إرسال تعليق