إمبارح سمعت بالصدفة الأستاذ الدكتور المبجل، اللي مجنن مصر كلها، الدكتور توفيق عكاشة بيهدد سيادة الدكتور مرسي وبيقوله: "إياك أشوفك عند المنصة بكرة ، إبقى أنزل كدا وشوف إيه إللي ها يجرالك"
انا بصراحة لما سمعته بيقول كدا قلت: إيه الهرتله والألش إللي الراجل دا عمال يقوله، وعمر ما جه في دماغي إطلاقا مطلقا ولو لفمتوا ثانية، إن مرسي ممكن يخاف من تهديدات عكشة، وما يروحش الجنازة بتاعة شهداء مصر، وقلت لنفسي طب إزاي مرسي يروح العريش ويروح رفح ويدخل في وسط المعمعه ويجي ما يروحش جنازة شهداء مصر إللي ها تكون على بعد واحد كيلوا متر من القصر الجمهوري!!! بصراحة مستحيل كنت أصدق قبل النهاردة إن رئيس الجمهورية يخاف ينزل جنازة لأن توفيق عكاشة بيهدده ... طب أنا عاوز أعرف لما يجي لنا تهديد من إسرائيل ولا من أي مكان سيادة الرئيس مرسي ها يعمل إيه؟!!!
صحيح أنا صايم والجو النهارده حرارته لا تطاق، وحاسس إني بدأت أخرف، بس الموضوع ده مخليني أخرف، وأخرف، وأخرف، وبدأت أفكر أنا إيه اللي خلاني أنتخب مرسي لما فيه عكاشة، إللي بيهدد وبيعدد وقلبة جامد!!!
حد يفسرلي يا جماعة لأن بصراحة الوضع زاد عن حده!
والله المستعان
محمد شحاتة
ليست هناك تعليقات:
إرسال تعليق