طب وماله يعني لما سياده المشير يخلع البدله الميري ويلبس البدله المدني؟؟ هل هو لامؤاخذه عمل فعل فاضح في الطريق العام؟ المشير مشير وقائد عام للقوات المسلحه وبقدره قادر وبركه دعا الوالدين اصبح في تمنتاشر يوم رئيس المجلس الاعلي للقوات المسلحه اللي بيحكم البلد وبيسن السكاكين اسف القوانين والراجل اللي عمله هو انه مشي علي نهج ومنهاج سلفه البكباشي جمال عبد الناصر لما عمل انقلاب ع الملك وع اللواء محمد نجيب وع البدله الميري ... وماننساش طبعا خلفه السادات وخلف خلفه المبارك...هي دي سنه الحياه...
وايه المشكله يعني لما يطلع علينا المشير ويرشح نفسه للرئاسه هل هو حرام ولا حرام طب ماهو لبس البدله المدني وان شاء الله ها يخليها دوله مدنيه وليست دينيه ولا عسكريه... والراجل محبوب....والراجل بيمشي في الشارع من غير حراسه وبيسلم ع الناس في منتهي التواضع .....واللي احنا بنقول عليه نعم بيطبق اللي اتقال عليه لا ومش عاوز يزعل حد....
احنا بس اللي مزودينها شويه وخايفين لا الثوره والعياذ بالله تنسرق منا زي ما العربيات والتكاتك وكمان والشقق بتنسرق!!
والله المستعان
محمد شحاته
وايه المشكله يعني لما يطلع علينا المشير ويرشح نفسه للرئاسه هل هو حرام ولا حرام طب ماهو لبس البدله المدني وان شاء الله ها يخليها دوله مدنيه وليست دينيه ولا عسكريه... والراجل محبوب....والراجل بيمشي في الشارع من غير حراسه وبيسلم ع الناس في منتهي التواضع .....واللي احنا بنقول عليه نعم بيطبق اللي اتقال عليه لا ومش عاوز يزعل حد....
احنا بس اللي مزودينها شويه وخايفين لا الثوره والعياذ بالله تنسرق منا زي ما العربيات والتكاتك وكمان والشقق بتنسرق!!
والله المستعان
محمد شحاته
ليست هناك تعليقات:
إرسال تعليق