لدي أفكار لمواضيع كثيرة ولكن "معنديش نفس" وعندي حلول لمشاكل كثيرة ولكن " معنديش نفس" عايش زي ماتقول كدا حالة قرف ... ممكن يكون المجهود الفكري والنفسي والعصبي الكبير اللي بذلته أيام الانتخابات " ممكن " وممكن يكون الحالة العامة اللي بتمر بيها البلاد من إعلام فاسد ومجلس عسكري مكار وفلول نفسها ترجع امبراطوريتها وناس مضحوك عليها وناس فاهمه بس مش عارف تعبر عن اللي جواها ...... الحالة كلها على بعضها حالة إحباط
كنت مفكر إن بنجاج مرس الدنيا ها تستقر والإعلام المطبلاتي المزمراتي الراقص ها يسكت وتحترم نفسه ، وإن المجلس العسكري ها يسلم السلطة ويرجع لثكناتة ، وإن الفلول ها يستسلموا للأمر الواقع ويحاولوا يتأقلموا مع الوضع الجديد.. ولكني وجدت أن المستقبل لا يبشر بخير بل ينذر بوعيد...
مر أسبوع على تولي مرسي الرئاسة ومش حاسس بأي جديد .. أنا عارف ان أسبوع دا يعني حاجه صغيرة جدا في عمر الحكومات والشعوب؛ ولكن لما جماعة زي جماعة الإخوان المسلمين اللي دفعت بمرشح مجهول ليصبح رئيسا مشهورا في أقل من ثلاثة أشهر مش عارفه تنظم لجان شعبية ومجموعات متطوعة لحل أزمات ( القمامة - الخبز- الغاز- المرور) الموضوع مقلق ...
على العموم أنا حبيت أكتب أي حاجه في أي حاجة يمكن حالة الإحباط والتوهان والاكتئاب دي تعدي ..
والله المستعان
محمد شحاتة
ليست هناك تعليقات:
إرسال تعليق