وفيها إيه يعنى لما نعدل شويه في قواعد اللعبة
الديموقراطية، مش فيه ناس برده بتسميها لعبة! يعنى مثلا نخلى نجاح أي رئيس
للجمهورية يكون بمجرد حصوله على 90% من أصوات الناخبين، بدلا من 50% +1 ، وبكده نضمن ان
مايبقاش فيه لا ثورة ولا انقلاب، وكمان نبعد شوية عن مجموع الـ 50%؛ لأن سمعته ما
بقيتش ولا بد الأيام دي، وكمان علشان المنصب يبقى له هيبته وشنته ورنته!
طب لو مفيش حد جاب الـ90% دي نعمل إيه؟
طبعا موضوع الـ90% ده مستحيل حد يجيبه، خلاص زمن
التلات تسعات فات ومات، بس ممكن نحل الموضوع ده بسهولة، يعنى نخلى أكتر اتنين في
الأصوات يعيدوا مع بعضهم أربع خمس مرات، ولو محدش جاب الـ90% في المرة الخامسة،
يبقى نسلم أمرنا لله والاتنين يحكموا مصر، واحد في الشمال وواحد في الجنوب وبكده نضمن
إن محدش لا يعمل انقلاب ولا يعمل ثورة؟
*** الحلول كثيرة، وممكن ما تكونش مقنعة، وممكن
ما تكونش منطقية، وممكن ما تكونش مقبولة، بس العامل المشترك في كل ده هو إن فيه حلول.. يعنى ممكن نتناقش، ونتجادل،
ونختلف، وفي الآخر لازم نطلع بحلول!
وأهم من كل ده إننا لما نطلع بحلول ونتفق عليها،
لازم ننفذها، علشان نضمن إن ما يبقاش فيه لا ثورة ولا انقلاب!
ليست هناك تعليقات:
إرسال تعليق