كنت نايم،
وفجأه صحيت على صوت عالى ودوشه، وسمعت صوت رجالى من الكرسي اللي ورايا أو الكرسي
الأخير، مش متأكد بالظبط، بس اللي انا متأكد منه إن الصوت كان رجالى، وكان عالى
جدا. الراجل عمال يزعق ويقول للسواق:
- استنى يا اسطى
انت مش شايف الطريق واقف قدامك ازاي؟! ادخل يا اسطى يمين الله يهديك!
فيه اتنين أو
تلاته قالوا في نفس واحد:
-
كمل يا اسطى،
دي ها تلاقيها حادثة بسيطة أو ممكن يكون كمين!
...و...السواق
مكمل ولا على باله!
الراجل اللي
ورايا ماسكتش، وراح مزعق جامد:
-
انت يا اسطى،
ياعم عبرنا، انت شكلك فاضى وعاوز توقف، إنما احنا ورانا أشغال!
السواق بدأ
يهدى وقاله ببرود، إنت عاوز إيه دلوقتى، ما تيجي تسوق انت أحسن!
الاتنين مسكوا
في بعض وهاتك يا خناق. السواق آخر ما زهق ركن على جنب ونزل من العربية ورجع
لصاحبنا وقاله:
-
انت عاوز إيه
دلوقتي؟
-
أنا عاوزك ترجع
وتدخل من الطريق التاني!
-
انت عارفه؟
-
أيوه، توكل على
الله يا اسطى!
وفجأة سمعت صوت
البنت اللي قاعده جنبي، واللي افتكرت انها مش معنا ولا ليها في الطور ولا في
الطيحن:
استنى يا اسطى انت
رايح فين، نزلنى! يا جماعة انتوا ما بتتعلموش أبدا، انتو مش شايفين حال البلد! إيه
المشكلة لما نوقف شوية بدل ما ندخل في طريق ما نعرفش نخرج منه!
بصراحة أنا
استجدعتها!
ليست هناك تعليقات:
إرسال تعليق