روجيته الدجال
بمناسبة روجيتة
السيسي لصديقه، اللي بينصحه فيها بالحمد والتهليل والتكبير تسعومية تسعه وتسعين
ألف مرة... يعنى مليون مرة إلا واحد، وها يلاقي الدنيا اتغيرت تماما...
أيام ما كنت
شغال في السياحة- ربنا يرجعها بالسلامة- كان فيه مرشد بيدّعى إنه بيعرف في الأمور
الباطنية والحسد والسحر والحوارات إياها.. وكان فيه ناس بتصدقه، وخصوصا الزميلات.
وفـ يوم سمعت الحوار ده:-
المرشد: إيه
أخبار بنتك دلوقتي؟!
الزميلة: لسه
والله تعبانه.
المرشد: أنا مش
قلت لِك تقرأي عليها سورة يس 99 مرة؟
الزميلة: أيوة
ما أنا قرأت عليها سورة يس 99 مرة ومفيش حاجة حصلت.
المرشد: مش
ممكن؟ أكيد فيه حاجة غلط. انت متأكده انك قرأتيها 99 مرة ورا بعض من غير انقطاع.
الزميلة: لأ
طبعا أنا قرأتهم على 3 أيام!
المرشد: لأ يا
حبيبتي انتى لازم تقرأيها 99 مرة بدون ما تتوقفى!
أنا سمعت
الحوار ده ولقيتنى مرمي على الأرض في حالة متقدمة من الهستريا الناتجة عن الضحك
المزمن!
ابن اللئيمة عارف إنها مستحيل تقرأ سورة يس 99
مرة ورا بعض فقام حاطط لها العقدة في المنشار!
ملحوظة:
لينك روجيته
السيسي في
الرابط التالى:
ليست هناك تعليقات:
إرسال تعليق