في البداية عاوز أحكي لكم ازاي حصلت على كتاب "دعوة
للحوار" لأن الموضوع ده مهم وأتمنى انه يتعمم في كل مكان في مصر.... أنا با
احرص كل يوم جمعة إني أصلى في مسجد "المدينة الجامع" هو اسمه كده، مسجد
كبير جدا، من ساعة ما سكنت في اكتوبر وهو ما زال تحت الإنشاء، الحاجة الكويسة في
صلاة الجمعة في المسجد ده ان جمعية "رسالة" بتعمل معرض صغير للكتب
المستعملة إللي أصحابها بيتبرعوا بيها. جمعية رسالة بتجمع الكتب دي على مدار
الأسبوع وبتيجي تعرضها قدام المسجد بعد صلاة الجمعة بأسعار رمزية جدا، يعنى ممكن
تشترى كتاب بجنيه واحد. أنا شخصيا اشتريت كتب كتيرة من المعرض ده، بس بصراحة لسه
ما اتبرعتلهمش بولا كتاب.. إن شاء الله ها اتبرع!
نرجع للكتاب:
كتاب دعوة للحوارعبارة عن عدة مقالات كتبها الدكتور حسن
حنفي في نهاية السبعينيات وبداية الثمانينيات من القرن اللي فات، المقالات دي
بتتكلم عن ضرورة الحوار بين التيارات السياسية الأربعة الرئيسية في مصر (التيار
الإسلامي والليبرالي والناصري والماركسي). الكتاب بيشرح بصورة مبسطة وعميقة
"مميزات الحركة الاسلامية وعيوبها" وأيضا "مميزات الحركة العلمانية
وعيوبها). من بعض مميزات الحركة الإسلامية: (الغيرة على الإسلام، وصياغة فكر
اسلامي بسيط يقبله الجميع، وجذب المثقفين إلى الإسلام، وتربية الأمة وتكوين جيل
يعتز بالاسلام، وتجنيد الشعب وتكوين جماعة دينية أقوى من أي حزب سياسي (ظهير
شعبي)، وتوحيد الأمة وجعل مصر مركز العالم العربي والاسلامي من خلال المركز العام
للإخوان المسلمين على سبيل المثال). أما العيوب فتتمثل في أنها تقدم الدفاع عن حق
الله على الدفاع عن حق الانسان، وأنها تبدأ بالحاكمية، وتركز على الحدود قبل
الواجبات، وعلى العبادات قبل المعاملات.
أما مميزات الحركة العلمانية فتتمثل في: (الحديث المنطقى
والواقعي المعتمد على الاحصائيات الدقيقة والتحليلات الصائبة، والمناداة بالحريات
العامة وبحق التعبير لكل التيارات السياسية، وللخصوم قبل الأصدقاء (وإن كنت أشك في
الأخيرة)، والاهتمام بتأسيس الجامعات وتطوير الأزهر، وأن التعليم لابد وأن يكون
مجانيا كالماء والهواء، وارتباطها بالاسلام بشكل ما؛ فحب الوطن من الإيمان، والإسلام
دين علماني وهكذا، وأيضا ارتباطها بالحركة الوطنية زي ثورة 19 وغيرها) أما أهم
عيوبها فمعاداتها للحركة الاسلامية، وانفصالها عن التراث، وارتباطها بالأفكار
الغربية الوافدة.
الكتاب بيتكلم عن الشعارات الدينية وتفسيرها بالمضمون،
وبيقسم الجمهور المصري لثلاثة أقسام: الأول يهتف بـ " الله أكبر ولله
الحمد" ، و " الله أكبر والعزة لله"، و " القرآن
دستورنا" والثاني يهتف بـ " الله أكبر والعزة لمصر"، " تحيا
مصر"، "ناصر ناصر" والقسم الثالث وهو الأغلب يكون محاصرا بين
القسمين الأولين، يترقب وينتظر، وجدانه مع الأول، وواقعة مع الثاني... ينتظر
لأيهما الغلبة.
الكتاب يقع في حوالي 140 صفحة من القطع المتوسط، ممكن
تلاقي فيه شوية تكرار لبعض المعلومات إلا أنه جدير بالقراءة!
ليست هناك تعليقات:
إرسال تعليق